Xherdan Shaqiri shënon në fitoren me përmbysje ndaj Burnleyt

22:45 | 5 Dhjetor 2018
Arbresh Info

Xherdan Shaqiri ka realizuar golin e fundit në fitoren 3 me 1 të Liverpoolit ndaj Burnleyt.

“Redsat” regjistruan fitore me përmbysje në ndeshjen si mysafirë në kuadër të xhiros së 15-të kundër Burnleyt mbrëmjen e sotme (e mërkurë), shkruan portali arbresh.info.

Nikoqirët kaluan në avantazh në minutën e 54′ përmes Jack Cork, por skuadra e Jurgen Klopp barazoi shifrat pas një ore lojë duke shënuar përmes James Milner për 1 me 1.

Menjëherë pas inkuadrimit në fushë, Roberto Firmino dërgoi në avantazh mysafirët duke shënuar me lehtësi pas një asistimi nga mbrojtësi Virgil Van Dijk.

Goli i fundit i shënua nga ylli kosovar Xherdan Shaqiri, i cili gjeti portën bukur pas një kundërsulmi të shpejtë ndërkohë që asistues ishte superylli Mohamed Salah.

Liverpooli tani ka 39 pikë, dy më pak se Manchester City në krye të tabelës./arbresh.info/

https://streamja.com/pE69

Shpërndaje në rrjete sociale

Lajmet më të lexuara

Të ngjashme

Foto lajm